Plantun de Prouvènço

Pèr coumpara dos planto d'encò nostre

Orchis provincialis & Lathyrus pannonicus

Orchis provincialis

Orchidaceae

Nom en français : Orchis de Provence.

Descripcioun :
Lou gau-de-Prouvènço es un Orchis pas bèn grand e prim que trachis dins li bos clar e li champino, pulèu sus sòu séusous. La labreto, jauno emé de taco roso, èi di tres partido. La flour a un long esperoun. Apoundèn que li fueio soun tóuti basalo e tacado de negro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Orchis
Famiho : Orchidaceae

Ordre : Aspargales

Coulour de la flour : Jauno
Petalo : irreguliero
Ø (o loungour) flour : 15 à 24 mm
Flourido : Printèms

Sòu : Si (Ca)
Autour basso e auto : 0 à 1200 m
Aparado : Vo
Mars à mai

Liò : Bos clar - Champino
Estànci : Termoumediterran à Mesoumediterran
Couroulougi : Eurimediterrano
Ref. sc. : Orchis provincialis Balb. ex DC., 1806

Jaisso(-d'Oungrìo)

Lathyrus pannonicus

Fabaceae Leguminosae

Nom en français : Gesse de Hongrie.

Descripcioun :
La Jaisso-d'Oungrìo es uno meno raro que trachis dins li prado e li blachiero de noste relarg d'auto Prouvènço. La cambo èi gaire alado, li fueio soun coumpausado de 2 à 4 parèu de fuioun sènso vediho (mai acabado pèr uno pichoto pouncho en erbo). L'enflourejado es uno grapo de 3 à 11 flour jauno pièi blanco, pourtado pèr un long pecou mai long que la fueio d'à coustat. Li dóusso fan de 3 à 6,5 cm e caupon de 12 à 20 grano. La subsp. de Prouvènço ié dison asphodeloides qu'a de bousserlo en long.

Usanço :
Ramentan que li grano de jaisso soun empouisounanto e dounon uno malautié néuroulougico, lou latirisme (presènci d'ODAP), se n'en manjas de trop.

Port : Erbo
Taio : 15 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Blanco Jauno
Petalo : irreguliero
Ø (o loungour) flour : 12 à 20 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Abriéu à juliet

Liò : Blachiero - Prado - Óuriero de bos
Estànci : Subremediterran à Coulinen
Couroulougi : Éurosiberiano
Ref. sc. : Lathyrus pannonicus (Jacq.) Garcke, 1863

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orchis provincialis & Lathyrus pannonicus

ges

Coumpara Gau(-de-Prouvènço) emé uno autro planto

Coumpara Jaisso(-d'Oungrìo) emé uno autro planto